س:ليه الربع جنيه مخروم؟

ج:يمكن كان طالع مظاهره..............واتاخد امن دوله

س:ما هو"التغيير " الذي يقوم به سياسي الحزب الوطني في الحياه السياسيه المصريه؟

ج:التغيير الوحيد اللي بيعمله السياسين دول انهم"بيغيرو" دم المصريين

س:من هو المفكر؟

ج: المفكر=؟+!+ايموشن حزين

س:ليه الحكام العرب ساكتين ع اللي بيحصل في الاقصي؟

ج: للأن صوت المرأه عوره

س:ما اوجه التشابه والا ختلاف بين الملل والسجاير؟

ج:اوجه التشابه:1-كلا منهما ضار جدا بالصحه ويسبب الوفاه(.....او الانتحار)

2_وجود كلا منهما علي المدي الطويل يؤثر علي العلاقه الزوجيه

اوجه الاختلاف1_السجاير بنولع فيها.......لكن الملل بيولع فينا

2_السجاير وحده التجزئه بتاعتها "العلبه" لكن الملل وحده التجزئه بتاعته"الكرتونه"(اكيد كلنا عارفين كرتونه ايه طبعا)

س:mcq ايه اسباب اختفاء الحشيش من البلد(الصابع بقا ب120 جنيه .........ولا عزاء للضريبه"؟(اجب بنفسك)

1_مصر تقوم بتصديره لبلاد بره(الحشيش البلدي.......والبلدي يوكل)

2_ رساله من القياده السياسيه بمصر قرب موعد الاتخابات الرئاسيه عن طريق التلويح بشعار"شيلني واشيلك" لذا عزيزي الضريب صوتك الانتتخابي امانه.......ودماغك برده

3_مكيده من تجار البانجو في ظل المنافسه الشرسه بين الحشيش والبانجو

س:ليه دايما بندور علي طرف الخيط؟

ج: لان ارواحنا مجروحه ومحتاجه كام "غرزه"

اجابه اخري:لان الشعب كله تايه ومسطول وبالتالي الوطن اصبح"غرزه"

س:مين هو اهم واحد في مصر؟

ج:موظف ختم النسر

س:ما اهم المنتجات التي تشتهر مصر بتصديرها؟

ج:البيض _المنفاخ (بنوعيه العادي والكومبروسر)_ الاعضاء البشريه(معظمها من الاطفال ......يعني لسه بكيستها)

س: هي ليه مصر مبتتقدمش؟

ج:اصل اسرائيل لما كانت حاطه ايدها علي سينا خدت حته من"اترها" وعملتلها "عمل" ورميته في النيل

س: هل لديك اقوال اخري؟

ج:لا بتهيألي مفيش "اخري" من اللي قلته