تخاريف 2




اقتراح: 1_اقترح ع الامور اللي اخترع ال"Facebook"(كتاب الوجه.....ترجمه سعيد) تغير اسمه من اسمه الحالي الي"FaceSbook"(كتاب الاوجه.....ترجمه سعيد برده) وده لان دايما مشتركيه (الا من رحم ربي)بوشين..............او اكتر طبعا

2_بعد مشاهدتي لمسلسل"الملك فاروق" واستنادا لما حدثني عنه جدي (الله يرحمه) واشخاص كثر عن الفرق بين عصر الملكيه وما نحن فيه الان اقترح تغيير اسم جماعه"الضباط الاحرار" الي"الضباط الاشرار"


موقف:بعد حمله( انا مصري..... انت مين؟) الشهيره ضد الجزائر سألني يهودي (منتا عارف ليا اصحاب يهود كتير) احنا شعب الله المختار(كداب طبعا)......... انتو مين؟ فاجبته ع الفور:احنا شعب الله المحتار


استنتاج: بعد تأملي لنظريه النشوء والتطور"فان العضو المستخدم ينمو ويكبر والعضو الغير مستخدم يضمر ويختفي" ادركت لماذا اصبح المصري............قفا


قانون: البنت تبصلها بعين تبصلك بعشره ( يعني ممكن تجيب اربعه صحاب غيرك يبصو معاك عشان تقدرو عليها)

س وج: س تفتكر الجزء التاني لفيلم "نحن لا نزرع الشوك" ممكن يسموه ايه؟ ج اكيد"نحن لانزرع الشوك.......ولكننا نستورده.............(from china)

اعتراض:علي الرغم من عشقي للافلام الكلاسيكيه القديمه الا انني اعترض علي جعل مشهد زواج البطل والبطله هو"النهايه" انه مجرد"بدايه النهايه"(دي انا كاتبها من زماااااان يا عمر)


ربط:"المدرب الفني للانجليز يستعين بالفياجرا في مواجهاته في كاس العالم والتي تقع الجزائر في محموعتها.......اليوم السابع"تذكرت لتوي نكته الديك اللي اخد فياجرا وعرفت ان ربك يمهل ولا يهمل(اللي ميعرفش النكته يبقي يقولي وانا اقولهاله بيني وبينه)


تاريخ:خرج سيدنا موسي(ص) وخرج وراءه فرعون ومعه جنوده ووزاؤه وساده القوم وترك النساء والعبيد وبعد ان غرق فرعون ومن معه قرر النساء الزواج من العبيد وهذا يفسر سر استعباد النساء المصريين لازواجهم حتي الان*


تعريف:الفشل هو محاوله ارضاء كل شخص تعرفه(خراب يا دنيا ....عمار يا دماغي) *


مثل:البطيخه اللي متفتحتش شبعت تخبيط..............لا تعليق*


نظريه: قدر ما يحتويه الانسان من "بيض" يتناسب طرديا مع عدد المرات اللي يقولك فيها" أنا مبضون" لذا ارجوك بدل من ان تلعن الظلام......دور علي كبس النور(سامحني علي دي ....... اصل انا"مبضون")

متفرقات :الصراحه وقله الادب مرتبطين تماما مثل الكباب والكفته كده


الحب يغير الي الاحسن ............والي الاسوأ ايضا


الملل............SILENT KILLER (زي الضغط بالظبط)


(كل ما وجد في المقال هو من عندياتي ماعدا(اللي انا علمت عليه*) فهو مما روي في الأثر وقد اضفت اليه فقط)

8:13 ص | |

 

0 التعليقات:

إرسال تعليق

الاشتراك في: تعليقات الرسالة (Atom)

الجيران